aa mere bazm meiN aa phir keh Ghazal kahnee hai
ek nayaa zakhm lagaa phir keh Ghazal kahnee hai
zindagee kaT nah sake gee meree khaamoshee meiN
koi,y deewaar giraa phir keh Ghazal kahnee hai
aye Ghazal HaZrat-e-A'aajiz ke niraale dhun meiN
chaNd asha'aar sunaa phir ke Ghazal kahnee hai
aye muSawwir jo meree aaNkh meiN hai a'ks-e-Ghazl
waisee taSweer banaa phir keh Ghazal kahnee hai
surmai,y abr ke aaNchal meiN chupaa chaaNd zaraa
rukh-e-roashan ko dikhaa phir keh Ghazal kahnee hai
HoSlah teraa tujhe sach naheeN kahne degaa
koi,y tohmat hee lagaa phir keh Ghazal kahnee hai