is qadar insaan kyuN majboor hai
hoNT par muskaan dil ranjoor hai
jalwa-e-jaanaaN huwaa kaafoor hai
phir bhee yeh dil aas se ma'moor hai
jis ke dil meiN aaNch-e-Gham bharpoor hai
use ke chehre par numaayaaN noor hai
rukh shaguftah hoNt-o-lab makhmoor hai
waSf-e-maikhaanah kahaaN mastoor hai
dil meiN bebas ke machaltaa ek khayaal
shama' hai roshan magar be noor hai
phool ham tak aagayaa aye hamnasheeN
tum ne jo phekaa thaa patthar door hai
chaNd tare unkee zulfoN meiN sajaae,N
yeh kahaaN "Naiyer" meraa maqdoor hai.
Subscribe to:
Post Comments (Atom)
Hai ghazal Naiyer ki yeh pur soz jo
ReplyDeletesoz o saaz e ishq se maamoor hai
Mulhlis
Ahmad Ali Barqi Azmi
aap kaa aHmad A'li Barqi bahut
ReplyDeletedil meraa mamnoor or mashkoor hai