gar meraa dard a'aam ho jaae,y
har koe,i khush kalaam ho jaae,y
zindagee shaad kaam ho jaae,y
un se bas ek salaam ho jaae,y
pyaar se sab raheN sadaa makhmoor
a'aam ulfat kaa jaam ho jaae,y
jism aazaad hai to kiyaa HaaSil
zehn-o-dil jab Ghulaam ho jaae,y
khol deN wo jo zulf shaanoN par
dopahar meiN bhee shaam ho jaae,y
ho khudee gar bulaNd tar apnee
saari shae,i hee Ghulaam ho jaae,y
ek hee fikr se hoN sab sarshaar
aisaa kuchh intaz^aam ho jaae,y
Akif-o-Raz -o- Malik ke ham raah
kuchh to Naiyer kaa naam ho jaae,y
aae,o :Naiyer: sajaaeN bazm-e-t^arab
aaj yeh ihtamaam ho jaae,y
Subscribe to:
Post Comments (Atom)
No comments:
Post a Comment