ghazal:Khurshidul Hasan Naiyer

tera bas teraa maiN huwaa chaahtaa hooN
"tere i'shq kee iNtehaa chhaabtaa hooN'
mae,o jaam naa mae,y kadah chaahtaa hooN
maiN saaqee ki bas ek adaa chaahtaa hooN
tamannaa ragoN meiN lahoo ban ke doaRe
jawaanoN mien woh HoaSlah chaahtaa hooN
maiN tashnah labee kee shikaayat se behtar
sharaab-e-khudee hee piyaa chaahtaa hooN
nah saaHil pah meree nigaaheN lagee haiN
nah iHsaaN tereaa naakhudaa chaahtaa hooN
sitam gar meraa har sitam par kahe hai
jafaa kar rahaa hooN wafaa chaahtaa hooN
ho parwaaz ooNchee magar ghar nah bhoolooN
pariNdoN se yeh seekhnaa chaagtaa hooN
muHabbat kee kashtee hai baHr-e-kherad meiN
junooN maiN tumhaaree dua'aa chaahtaa hooN
kamaNdeN sitaaroN pa DalloN magar maiN
qadam bar zameeN bhee Tikaa chaahtaa hooN
khafa haiN woh mujhse a'jab waaqa'h hai
kuchh aHbaab se yeh sunaa chaahtaa hooN
de "Naiyer" ko dard-o-muHabbat kee doalat
nah kuchh or iske siwaa chaahtaa hooN
Khurshidul Hasan Naiyer
Thu Mar 12, 2009 7:25 am




Re: ek t^arHee Ghazal pesh hai