K.H.Nayier

Beradar e Aziz K.H.Nayier
ASAK
Mil gaii mujhko aapki tasveer
Ho nigahbaan katib e taqdeer

Jaisi soorat hai vaisi seerat hai
Khwab ki sach hai yeh mere taabir

Hai taqaddus ka khushnuma paikar
Rukh e anwar ki aapke tanveer

Aap se taalib e duaa hoon main
Hai duaaoon mein aapki taaseer

Zehn hai mera muntashir Barqi
Kaargar ab nahin koii tadbeer

Talib e Dua
Ahmad Ali Barqi Azmi