Ghazals :Khurshidul Hasan Naiyer

Ghazal :Khurshidul Hasan Naiyer

kisee kee ek i'naayat ho gae,i hai

unheN ham se shikaayat go gae,i hai

nah puchho lut^f tanhaae,i kaa yaaro

hameiN jab se muHabbat ho gae,i hai

chalaa chal jaanib-e-manzil tu aye di

l nigaahoN kee shafaaa't ho gae,i hai

taSawwur se tere aye jaan-e-jaanaaN

mo't^t^ar meree khilwat ho gae,i hai

saNbhaalo sheesha-e-dil ko saNbhaalo

naz^ar uThne kee saaa't ho gae,i hai

tere rukhsaar ke fiqre sunaa dooN?

mukammal ab tilaawat ho gae,i hai

haiN dil waale magar bazm-e-t^arab meiN

mataae' dl ke qillat ho gae,i hai

suno dil kaa jahaaN weeraaN hai tab se

wafaa jab se tijaarat ho gae,i hai

naheeN teraa koee caanee hai "Naiyer"

Ghalat, logoN meiN shohrat ho gae,i hai

Ghazal :Khurshidul Hasan naiyer

teraa bas teraa maiN huwaa chaahtaa hooN

"tere i'shq kee iNtehaa chhaahtaa hooN"

mae,o jaam naa mae,y kadah chaahtaa hooN

maiN saaqee ki bas ek adaa chaahtaa hooN

tamannaa ragoN meiN lahoo ban ke doaRe

jawaanoN mien woh HoaSlah chaahtaa hooN

maiN tashnah labee kee shikaayat se behtar

sharaab-e-khudee hee piyaa chaahtaa hooN

nah saaHil pah meree nigaaheN lagee haiN

nah iHsaaN tereaa naakhudaa chaahtaa hooN

sitam gar meraa har sitam par kahe hai

jafaa kar rahaa hooN wafaa chaahtaa hooN

ho parwaaz ooNchee magar ghar nah bhoolooN

pariNdoN se yeh seekhnaa chaagtaa hooN

muHabbat kee kashtee hai baHr-e-kherad meiN

junooN maiN tumhaaree dua'aa chaahtaa hooN

kamaNdeN sitaaroN pa DalloN magar maiN

qadam bar zameeN bhee Tikaa chaahtaa hooN

khafa haiN woh mujhse a'jab waaqa'h hai

kuchh aHbaab se yeh sunaa chaahtaa hooN

de "Naiyer" ko dard-o-muHabbat kee doalat

nah kuchh or iske siwaa chaahtaa hooN

Ghazal :Khurshidul Hasan naiyer

qaid too hai wahaaN, qaid maiN hooN yahaaN

imtaHaaN, imtaHaaN, imtaHaaN, imtaHaaN

hai meraa ghar bhee us Dher ke darmeyaaN

uTh rahaa hai abhee tak jahaaN se dhuwaaN

kiyuN nah yeh dil ho maae,l tumhaaree t^araf

tum ho sheereeN zabaaN, tum ho jaadoo bayaaN

jisne looTaa nah bastee, han gulshan kabhee

usne chhoRaa mujhe bemakaaN bemakaaN

zindagee ke safar meiN har ek moR par

Haadicah, saaniHah, mas,alah, imtiHaaN!

khol detee hai yeh dukhte dil kee zabaaN

shaae'ree hai baRee cheez :Naiyer: miyaaN

Ghazal :Khurshidul Hasan Naiyer
diloN kaa dard Ghazal kee zabaaN meiN Dhaltaa hai

hamaare shaam-e-sukhan kaa chiraagh jaltaa hai

aseeree meiN hee sukoon hai, nah hee rehaaee meiN

nah Gham kee baat nah khushiyoN se dil bahaltaa hai

luTe chaman meiN bhee aahaT hai kiske pairoN kee ?

yeh koaN SeHn-e-gulistaaN ab Tahal taa hai

jab aainah thaa to kab shoaq tha saNwarne kaa

yeh ab jo TooT gayaa hai to haath maltaa hai

mazah to tab hai keh yeh juzw-e-zindagee ban jaae

wafaa ka zikr to har bazm meiN hee chaltaa hai

acar yeh soaz-e-darooN kaa hai bulbul-e-HairaN

har aek saaz pah yeh dil naheeN machaltaa hai

yeh intakhaab hai fit^rat ka warnah aye :Naiyer:

har aek phool camar meiN kahaaN badaltaa hai